पोलिस, सुरक्षितता आणि गुन्हेगारीवरील मराठी वृत्तांकन.
Gayatri Laxmikant Maliनागपुरातील नरेंद्रनगर परिसरात प्रेमत्रिकोणातून दोन गुन्हेगारी पार्श्वभूमीच्या तरुणांमध्ये रस्त्यावर जोरदार हाणामारी झाली. या संघर्षात गौरव राऊतने गौरव रगडेच्या छातीत चाकूने वार केल्याचा आरोप आहे. गंभीर जखमी रगडेला रुग्णालयात नेले असता डॉक्टरांनी मृत घोषित केले. या प्रकरणी पोलिसांनी आरोपीला ताब्यात घेतले असून पुढील तपास सुरू आहे.
Sukanya Peraneनाशिकच्या अंबड-सिडको परिसरातील 34 वर्षीय विवाहित महिलेची तिच्याच प्रियकराने कारने चिरडून हत्या केल्याचा धक्कादायक प्रकार समोर आला आहे. वाडीवऱ्हे परिसरातील एका रिसॉर्टच्या प्रवेशद्वारावर ही घटना घडली. आरोपीने पोलिसांना हा अपघात असल्याचे सांगत दिशाभूल करण्याचा प्रयत्न केला; मात्र पोलिसांच्या तपासात या घटनेमागील धक्कादायक सत्य समोर आले.
Sukanya Peraneजळगाव रेल्वे स्थानकावर स्वातंत्र्यदिनी RPFची वर्दी घालून फिरणाऱ्या एका तरुणीला सुरक्षा दलाने ताब्यात घेतले. चौकशीत ती RPF कर्मचारी नसल्याचे उघड झाले. प्राथमिक तपासात लग्नाच्या उद्देशाने स्वतःचा प्रभाव वाढवण्यासाठी तिने पोलिसांची वर्दी वापरल्याचे समोर आले आहे. तिच्याकडे काही बनावट कागदपत्रेही आढळल्याने पोलिसांकडून पुढील तपास सुरू आहे.
Sukanya Peraneजुन्नर तालुक्यातील पिंपळवंडी येथे साडेनऊ वर्षांच्या चिमुकलीवर अत्याचार करून तिची हत्या केल्याची धक्कादायक घटना समोर आली आहे. सायकल शिकवण्याचे आमिष दाखवून आरोपीने तिला घरापासून दीड ते दोन किलोमीटर अंतरावरील निर्मनुष्य ठिकाणी नेल्याचा आरोप आहे. आरोपीला पोलिसांनी ताब्यात घेतले असून, घटनेच्या निषेधार्थ ग्रामस्थांनी पुणे-नाशिक महामार्गावर रास्ता रोको केला. आरोपीवर कठोर कारवाई करून खटला फास्ट ट्रॅक कोर्टात चालवण्याची मागणी करण्यात आली आहे.
sahir shaikhखुनाच्या प्रयत्नासह गंभीर गुन्ह्यात गेल्या पाच महिन्यांपासून फरार असलेल्या सोहम ऊर्फ सोन्या मनोहर थोरात (वय २१) याला पुणे गुन्हे शाखेच्या युनिट-२ने कात्रज चौकातून अटक केली. गोपनीय माहितीच्या आधारे पोलिसांनी सापळा रचून त्याला ताब्यात घेतले. चौकशीत संबंधित गुन्ह्यात त्याचा सहभाग असल्याचे निष्पन्न झाल्यानंतर त्याला पुढील कारवाईसाठी सहकारनगर पोलिसांच्या ताब्यात देण्यात आले आहे.
sahir shaikhपुण्यातील गुरुनानक डेअरी अँड स्वीट्सचा FDAने १२ जून रोजी निलंबित केलेला परवाना न्यायालयाने रद्द केला आहे. तपासणीत दुकानाकडून ९८ टक्के नियमांचे पालन होत असल्याचे स्पष्ट झाल्यानंतरही परवाना निलंबित ठेवण्यात आल्याने न्यायालयाने FDAच्या कारवाईवर नाराजी व्यक्त केली. तसेच, कारवाईमुळे झालेल्या आर्थिक नुकसानीपोटी दुकान मालकाला ५ लाख रुपयांची नुकसानभरपाई देण्याचे आदेशही न्यायालयाने दिले आहेत.
Sukanya Peraneकल्याण पश्चिममध्ये गाडी बाजूला घेण्याच्या किरकोळ वादातून बिर्ला कॉलेजच्या विद्यार्थ्याला 15 ते 20 जणांनी घेरून मारहाण केल्याचा आरोप आहे. अथर्व देशमुख याला गोदामात डांबून लाठी, बांबू आणि लोखंडी रॉडने मारहाण करण्यात आल्याचे कुटुंबीयांचे म्हणणे आहे. या प्रकरणात माजी नगरसेवक अर्जुन भोईर यांचा मुलगा मयूर भोईर याच्यासह साथीदारांवर आरोप करण्यात आले आहेत. खडकपाडा पोलिसांनी गुन्हा दाखल करून तपास सुरू केला आहे.
Sukanya Peraneभिवंडीत आजार बरा करण्याच्या नावाखाली 30 वर्षीय महिलेवर तंत्र-मंत्राच्या विधींच्या बहाण्याने अत्याचार केल्याचा आरोप झाला आहे. कथित व्हिडिओ व्हायरल झाल्यानंतर महिलेने पोलिसांत तक्रार केली. पोलिसांनी उत्तर प्रदेशला पळून जाण्याच्या तयारीत असलेल्या 50 वर्षीय मौलवीला भायखळा रेल्वे स्थानकातून अटक केली असून, व्हिडिओ कोणी तयार केले आणि प्रकरणात आणखी कोणाचा सहभाग आहे, याचा तपास सुरू आहे.
Sahir Shaikhपुण्यातील भारती विद्यापीठ पोलीस ठाण्यात महिला शिपायासोबत गैरवर्तन केल्याचा आरोप झाल्याने पोलीस हवालदारावर तातडीने निलंबनाची कारवाई करण्यात आली. किरण देशमुख असे संबंधित हवालदाराचे नाव असल्याची माहिती समोर आली आहे. प्रकरणाची पुढील चौकशी सुरू आहे.
Gayatri Laxmikant Maliपुण्यातील नऱ्हे पोलिसांनी गुन्हे प्रतिबंधक पेट्रोलिंगदरम्यान बेनकर वस्ती परिसरात एका फार्च्युनर वाहनातून दोन पिस्तूल आणि तीन जिवंत काडतुसे जप्त केली. या प्रकरणी दोन संशयितांना ताब्यात घेण्यात आले असून, वाहनासह एकूण ६ लाख १३ हजार रुपयांचा मुद्देमाल हस्तगत करण्यात आला आहे. पुढील तपास पोलीस उपनिरीक्षक विजयसिंह घाडगे करीत आहेत.
Madhura Manbhekarपुणे गुन्हे शाखा युनिट-२ने सहकारनगर परिसरात कारवाई करत पाच संशयितांना ताब्यात घेतले. त्यांच्याकडून ४ पिस्तूल आणि ६ जिवंत काडतुसे, अशी सुमारे १ लाख ६१ हजार २०० रुपयांची शस्त्रे जप्त करण्यात आली. या प्रकरणी सहकारनगर पोलिस ठाण्यात गुन्हा दाखल करण्यात आला आहे.
Gayatri Laxmikant Maliपुण्यात स्वतःला ‘गुरुवर्य’ म्हणवून घेणाऱ्या स्वप्नील लांडेविरोधात अल्पवयीन मुलीशी गैरवर्तन केल्याचा गंभीर आरोप करत तक्रार दाखल करण्यात आली आहे. पोलिसांनी प्रकरणाचा तपास सुरू केला असून आणखी तक्रारी आहेत का, याचाही शोध घेतला जात आहे.
Gayatri Laxmikant Maliपुणे सायबर पोलिसांनी डिजिटल अरेस्ट फसवणूक प्रकरणात 26 वर्षीय सोशल मीडिया इन्फ्लुएन्सर रोहन राजेश्वर जाधवला अटक केली आहे. 82 वर्षीय निवृत्त व्यावसायिकाची 10.73 कोटी रुपयांची फसवणूक झालेल्या प्रकरणात 1.74 कोटी रुपयांच्या व्यवहारांशी जाधवचा कथित संबंध असल्याचा पोलिसांचा संशय आहे.
Sukanya Peraneबारामतीमध्ये 23 वर्षीय युवतीचा संशयास्पद परिस्थितीत मृत्यू झाल्याने खळबळ उडाली आहे. मृत्यूपूर्वी काही तास आधी युवतीने आईला फोन करून अथर्व नावाचा तरुण तिला गोळी खाण्यास देणार असल्याचे सांगितल्याचा दावा तक्रारीत करण्यात आला आहे. अथर्वसोबत असताना अचानक प्रकृती बिघडल्यानंतर युवतीला रुग्णालयात दाखल करण्यात आले; मात्र उपचारादरम्यान तिचा मृत्यू झाला. याप्रकरणी अथर्व राजेंद्र मेहन याच्याविरुद्ध बारामती शहर पोलिसांत BNS कलम 106(1) अंतर्गत गुन्हा दाखल असून, नेमकी कोणती गोळी किंवा पदार्थ देण्यात आला होता आणि त्याचा मृत्यूशी संबंध आहे का, याचा तपास सुरू आहे.
Sukanya Peraneनाशिकच्या त्र्यंबकेश्वर-घोटी मार्गावर हरिहर किल्ल्यावरून परतणाऱ्या पर्यटकांच्या वाहनाचा पाठलाग करून गाडी अडवून मारहाण आणि दगडफेक केल्याचा धक्कादायक प्रकार समोर आला आहे. या प्रकरणी १० जणांविरुद्ध घोटी पोलीस ठाण्यात गुन्हा दाखल करण्यात आला असून, पोलिसांनी चार आरोपींना ताब्यात घेतले आहे
Sukanya Peraneअहिल्यानगरमध्ये विद्युत पोलचे काम करत असताना कंत्राटी कर्मचारी धीरज परदेशी यांच्यावर हल्ला करण्यात आला. गंभीर जखमी अवस्थेत रुग्णालयात दाखल केल्यानंतर उपचारादरम्यान त्यांचा मृत्यू झाला. या प्रकरणी भिंगार कॅम्प पोलिसांनी चार आरोपींना अटक केली असून हल्ल्यामागील नेमके कारण अद्याप स्पष्ट झालेले नाही. दरम्यान, मृताच्या पत्नीने धीरज यांची हत्या हिंदुत्ववादी विचारसरणीमुळे झाल्याचा आरोप केला आहे. या घटनेनंतर अहिल्यानगरमध्ये तणावाचे वातावरण असून काही संघटनांनी बंदचा इशारा दिला आहे.
Sukanya Peraneपुण्यात एसआयआर म्हणजेच मतदार यादी दुरुस्तीच्या नावाखाली ज्येष्ठ नागरिकाची तब्बल 4 लाख 43 हजार रुपयांची सायबर फसवणूक करण्यात आली. ‘मतदार यादी दुरुस्ती अर्जात चूक झाली आहे’ असे सांगून भामट्यांनी डमी फॉर्म आणि एपीके फाइल पाठवली. त्यात बँक खात्याची माहिती भरताच चोरट्यांनी मोबाइलचा ताबा मिळवत खात्यातून रक्कम परस्पर काढली. या प्रकरणी अलंकार पोलीस ठाण्यात तक्रार दाखल असून पोलिसांकडून तांत्रिक तपास सुरू आहे. एसआयआर च्या नावाने फोन, एपीके फाइल किंवा ओटीपी मागितल्यास सावध राहण्याचे आवाहन पोलिसांनी केले आहे.
Gayatri Laxmikant Maliपुण्यातील कोथरूडमधील ६२ वर्षीय महिलेची केंद्रीय अर्थमंत्री निर्मला सीतारामन यांच्या डीपफेक व्हिडीओचा वापर करून ८ लाख ९ हजार १०६ रुपयांची सायबर फसवणूक करण्यात आली. फेसबुकवर बनावट गुंतवणूक व्हिडीओ पाहिल्यानंतर महिलेने आपली वैयक्तिक माहिती शेअर केली. त्यानंतर सायबर ठगांनी तिला टेलिग्राम ग्रुपमध्ये जोडून शेअर बाजारात मोठ्या नफ्याचे आमिष दाखवले. त्यांच्या सांगण्यावरून महिलेने विविध बँक खाती आणि UPI आयडीवर पैसे पाठवले. २४ मे २०२६पर्यंत तिने एकूण ८.०९ लाख रुपये ट्रान्सफर केले.
Sakshi Megha Prabhu"वेब सिरीज पाहून मर्डर? पूर्व दिल्लीत ६२ वर्षीय सॉफ्टवेअर कन्सल्टंटने 'द स्टेअरकेस' मालिकेची प्रेरणा घेऊन रचलेला पत्नीच्या हत्येचा थरारक कट दिल्ली पोलिसांनी अवघ्या काही तासांत कसा उधळून लावला, यामागचे धक्कादायक सत्य समोर आले आहे."
sahir shaikhपुणे गुन्हे शाखा युनिट २ने आंबेगाव परिसरात कारवाई करत तीन संशयितांना ताब्यात घेतले. त्यांच्याकडून मॅग्झीनसह एक पिस्टल आणि दोन जिवंत काडतुसे जप्त करण्यात आली असून, मुद्देमालाची किंमत सुमारे ४० हजार रुपये आहे. आरोपींविरुद्ध आंबेगाव पोलिस ठाण्यात शस्त्र अधिनियम आणि महाराष्ट्र पोलिस अधिनियमांतर्गत गुन्हा दाखल करण्यात आला आहे. पोलिसांच्या माहितीनुसार, तिघांविरुद्ध यापूर्वीही पुणे जिल्ह्यात विविध शरीराविरुद्धचे गुन्हे दाखल आहेत.
Madhura Manbhekarवाशिम जिल्ह्यात सात महिन्यांच्या गर्भवती पत्नीची कथितरित्या गळा आवळून हत्या केल्याच्या आरोपावरून २८ वर्षीय लष्करी जवान ज्ञानेश्वर मदने याला पोलिसांनी अटक केली आहे. मृत महिलेच्या कुटुंबीयांच्या तक्रारीनंतर जवानासह त्याच्या आई-वडिलांविरोधात हत्येचा गुन्हा दाखल करण्यात आला असून, हत्येमागील नेमके कारण आणि कुटुंबीयांची भूमिका याचा पोलीस तपास करत आहेत.
sahir shaikhपरदेशात सुपरमार्केटमध्ये नोकरीचे आमिष दाखवत नागपूरच्या २८ वर्षीय महिलेची ११ लाख रुपयांची फसवणूक करण्यात आल्याचा धक्कादायक प्रकार समोर आला आहे. पोर्तुगालमध्ये नेऊन तिला वेश्या व्यवसायासाठी भाग पाडल्याचा आरोप करत महिलेने भारतात परतल्यानंतर पुण्याच्या विमानतळ पोलीस ठाण्यात तक्रार दाखल केली. या प्रकरणी पुण्यातील एजंटांसह सात जणांविरोधात गुन्हा दाखल करण्यात आला असून, मानवी तस्करीच्या रॅकेटचा पोलीस तपास करत आहेत.
sahir shaikhलोणावळा शहर पोलिसांनी सीसीटीव्ही फुटेज, तांत्रिक विश्लेषण, Google Pay व्यवहार आणि गुप्त माहितीच्या आधारे चोरीच्या गुन्ह्याचा यशस्वी छडा लावत २ लाख २१ हजार रुपयांचा मुद्देमाल हस्तगत केला आहे. या प्रकरणी हरिदास बाळू कोळेकर याला मुंबईतील मानपाडा (कल्याण) येथून अटक करण्यात आली. आरोपीकडून एचपी लॅपटॉप, ॲपलचे दोन मोबाईल, स्मार्ट वॉच, एअरपॉड्स, रोख रक्कम आणि गुन्ह्यात वापरलेली दुचाकी जप्त करण्यात आली असून, न्यायालयाच्या आदेशानुसार पुढील तपास सुरू आहे.
Madhura Manbhekarपुण्यातील हिंजवडी परिसरात प्रेमत्रिकोणातून धक्कादायक हत्याकांड घडले आहे. सात मजली पीजीमध्ये घुसून आरोपी दिनेश झांबरे याने लोखंडी रॉडने सागर गायकवाड आणि निकिता दानाने यांच्यावर हल्ला केल्याचा आरोप आहे. या हल्ल्यात सागर गायकवाड याचा जागीच मृत्यू झाला, तर निकिता गंभीर जखमी असून तिच्यावर रुग्णालयात उपचार सुरू आहेत. शालेय जीवनापासून निकितासोबत प्रेमसंबंध असलेल्या आरोपीने तिचे सागरसोबतचे नाते समजल्यानंतर संतापातून हा हल्ला केल्याचा प्राथमिक अंदाज पोलिसांनी व्यक्त केला आहे. आरोपीला अटक करण्यात आली असून हिंजवडी पोलीस या प्रकरणाचा सखोल तपास करत आहेत.